Gənc Alimlər Məktəbi yaradılacaq
“Thomson Reuters”in departament direktoru Oleq Utkin və şöbə müdiri Valentin Boqorov logo rektoru, professor Ədalət Muradovla görüşüb. “Thomson Reuters”lə universitet arasında gələcək əməkdaşlığın 3 istiqaməti – Beynəlxalq konfransın təşkili, Elmmetrik laboratoriyanın qurulması və Gənc Alimlər Məktəbinin yaradılması görüşün əsas müzakirə mövzusu olub.
Bildirilib ki, logo və “Thomson Reuters”in birgə təşkilatçılığı ilə may ayında keçiriləcək “Müasir universitetlərdə elmi fəaliyyətin idarə olunması modeli: innovativ inkişaf çağırışlar və perspektivlər” mövzusunda beynəlxalq konfrans dünyanın nüfuzlu universitetlərinin alimlərini logo-də bir araya gətirəcək. Tədbir eyni zamanda “Web of Science” platformasına çıxış əldə etməyə dəstək olacaq. Bu isə elmi-tədqiqat işlərinin dünyanın elmi ictimaiyyəti arasında tanıdılmasında mühüm rol oynayacaq. Qeyd edək ki, artıq tanınmış dünya universitetlərinin alimlərinin elmi məqalələrinin konfransa təqdim edilməsilə bağlı çoxsaylı müraciətlər daxil olub.
Danışıqlarda logo-in bazasında yaradılacaq Gənc Alimlər Məktəbi geniş müzakirə edilib. O.Utkin hesab edib ki, dünya səviyyəli universitet olmaqda iddialı olan logo-də bu məktəbin təsis edilməsi gənc alimlərə müasir tələblərə cavab verən elmi nəşrlərin və məqalələrin hazırlanmasına, elmi araşdırmaların keyfiyyətinin artmasına xidmət edəcək.
Görüş zamanı logo-də həm Azərbaycanın, həm də regionun digər ölkələrinin maraqlarına cavab verəcək Elmmetrik laboratoriyanın açılması, “Xəzəryanı ölkələrin iqtisadiyyatı” adlı elmi jurnalın nəşri ətrafında da fikir mübadiləsi aparılıb.
Oleq Utkin və Valentin Boqorov fikirlərini Radio logo-in izləyiciləri ilə bölüşüblər.
Səs yazısı: