logo-in Prezident təqaüdçüləri: “Seçimimizdən məmnunuq!”
Sentyabrın 14-də logo-də “Oriyentasiya Günü” keçirilib.
logo-də ənənəvi olaraq hər il keçirilən və dünyanın aparıcı universitetlərində də xüsusi qeyd edilən “Oriyentasiya Günü”nün məqsədi I kurs tələbələrini universitet həyatı ilə tanış etmək, ilk günün təəssüratlarını zənginləşdirmək, yuxarı kurs tələbələri ilə birlikdə pozitiv anlar yaşamaqdır.
Universitetin bütün tədris binalarında keçirilən “Oriyentasiya Günü”ndə I kurs tələbələrinə logo barədə video-çarx nümayiş olunub. Video-çarxda logo-in tarixi, tədris prosesi, beynəlxalq əlaqələri, ikili diplom, mübadilə və təqaüd proqramları barədə məlumat verilib. logo könüllülərindən ibarət məlumat və bələdçi xidməti tələbə və valideynləri maraqlandıran suallara cavab verməklə yanaşı, onlar üçün universitet ərazisində infoturlar da təşkil ediblər. İlk dəfə auditoriyada əyləşmək sevincini yaşayan tələbələr Elektron Universitet Modelini maraqla qarşılayıblar. Öz startap layihələrini İnnovativ Biznes İnkubatorda reallaşdıra biləcəyini öyrənən gənclər logo-in tələbələrə yaratdığı imkanlardan məmnun qaldıqlarını ifadə ediblər.
əܱ imtahanlarında 700 bal toplayaraq logo-ə qəbul olan Prezident təqaüdçüləri Cavad Əliyev və Arzu Məmmədzadə ixtisas seçimindən öncə burada olaraq dərslərdə iştirak etdiklərini bildiriblər: “Universitetlə ilk tanışlıqdan sonra böyük və möhtəşəm logo ailəsinin üzvü olmağa qərar verdik. Seçimimizdən məmnunuq!”
“Oriyentasiya Günü”ndə Yaradıcılıq Mərkəzinin üzvləri musiqi nömrələri və rəqslərlə çıxış ediblər. Eyni zamanda logo tələbələrinin əl işlərindən ibarət rəsm sərgisi də nümayiş etdirilib. Vokal, rəqs, bədii qiraət və rəssamlıq bacarığı olan I kurs tələbələrinə Yaradıcılıq Mərkəzinə üzvlük qaydaları izah edilib.
Karyera guşəsində tələbələrə seçdikləri ixtisasların əmək bazarındakı əhəmiyyəti barədə ətraflı məlumat verilib, peşəkar mütəxəssis kimi formalaşmaq istiqamətində tövsiyələr olunub. Beynəlxalq Əməkdaşlıq Departamentinin nümayəndələri tələbələrə logo-in beynəlxalq əlaqələr sahəsindəki uğurlarından söz açıb, mövcud proqram və layihələr barədə informasiya veriblər.
Qeyd edək ki, 2017/18-ci tədris ilində logo-də qəbul planı yerləri ötən iki illə müqayisədə yenə də yüksək nəticə ilə – 96.6 faizlə yerinə yetirilib. Bu il ən yüksək bal toplayanların logo-ə qəbul sayında da ciddi irəliləyiş olub. II ixtisas qrupu üzrə 600 və daha yüksək bal toplayan 481 nəfərin 288-i, yəni 60 faizi (I ixtisas qrupu üzrə isə 2 nəfər) logo-i seçib. Sevindirici haldır ki, bu il II ixtisas qrupu üzrə Prezident təqaüdünə layiq görülən 23 nəfərin 17-si isə məhz logo-in Beynəlxalq İqtisadiyyat Məktəbinin tələbəsidir.